أخطاء المراة المتعلقة بالخطبة والزواج والمعاشرة

أخطاء المراة المتعلقة بالخطبة والزواج والمعاشرة


المؤلف

ندا أبو أحمد

لتحميل الكتاب


أضغط هنا

http://forum.df66.com/redirector.php?url=http%3A%2F%2Fwww.saaid.net%2Fbook%2F9%2F2349.zip

البنت المصرية

البنت المصرية تتسم ببعض السمات الغير موجودة في باقي البنات اللي خلقها ربنا.. سبحان الله يعني .. و هانتكلم هنا عن الحاجات دي واحدة واحدة .. عارف ان التعميم غلط طبعا و إنه من الخطأ نقول : المصريات صفاتهم كذا كذا و اللبنانيات بيتصفوا بكيت و كيت.. لأن صوابع الإيد مش زي بعضها و كل بني آدم بيعتبر حالة خاصة مختلفة عن غيره من البني آدمين.. لكن اللي خلاني أكتب الموضوع ده هو إن فيه بعض الصفات المستفزة بصراحة اللي البنت المصرية مش عارفة إنها مستفزة (طبعا مش كل البنات المصريات برضه بس بجد في بنات كتييييييييييييييييييييير فيهم اما بعض هذه الصفات أو معظمها أوكلها! ) نخش ع الموضوع يا شقيق .. و بلاش تخلي بنت تقرا الموضوع ده عشان العواقب الوخيمة , انت عارف بقى يا صاحبي ..! الصفة الأولى : التناكة مرة كنت في المهندسين-مش أنا طبعا ده كاتب الموضوع د/شريف عرفة - رايح لعيادة واحد زميل.. و كنت تايه لأني مش دايس في المهندسين قوي.. أعمل إيه في الحالة دي ؟ رحت راكن على جنب و سائل أي شخص معدي في الشارع- تصرف بديهي جدا مفيهوش أي حاجه يعني - لكن لسوء حظي العاثر يشاء القدر إن الشخص ده يكون واحدة بنت..! بمنتهى التهذيب و الوقار سألتها : " لو سمحتي عيادة الدكتور هشام فين ؟ " و بمنتهى الرقي و التهذيب راحت بصّالي.. و راحت مسمعاني باقة منتقاه -من أروع ما أنتجته قريحة الصيع- من الشتايم !! أعجبت طبعا بسرعة الأداء و مهارة الإلقاء -الحق يقال يعني !- لكن على إيه ده كله ؟؟ كانت فاكراني بعاكس سيادتها يا جدعان .. تخيلوا المهزلة الإنسانية ؟ و سابتني مذهول و راحت ماشية !! الصفة التانية : التناكة برضه البنت المصرية العادية تعتبر اي ولد يحاول انه يتكلم معها , تعتبره مجرما أثيما يحاول التقرب إليها لسبب خبيث حقير شرير ألا و هو التعرف عليها.. إلى أن يثبت العكس!! لا حول و لا قوة إلا بالله !! يعنى لو شاء القدر في الكلية عندك ( خصوصا الكليات العملية زي طب و هندسة... ) و اضطرتك الظروف إنك تكلم واحدة مش من شلتك أو بينكم صديقة مشتركة, فلا بد أن تكون لك ما يكفي من المبررات و الأسباب الكافية جدا, لكي تقنع سيادتها إنك لست ذئبا بشريا ,و انك لا تسأل عن موعد المحاضرة كمقدمة لسبب آخر لا داع لذكره ,عشان ممكن تكون فيه عيال صغيرة بتقرأ الموضوع معانا !! هل لديك زميلة في كليتك من جنسية أخرى ؟ لاحظت بتتكلم معاك عادي إزاي كإنك بني آدم خلقه ربنا ؟! عادي يعني .. انما لما تيجي تتعرف على بنت مصرية لازم تتكتك و تخطط و ترسم الخطط و الاستراتيجيات و كإنك داخل على موقعة حربية.. فيه إيه يا عم ؟؟ على إيه ده كله يا إكسلانس ؟ الصفة الثالثة: الشياكة البنت المصرية (بحق ربنا) تتزين و تهتم بمظهرها بشكل لابأس به إطلاقا ( روح سيتي ستارز , مش باتكلم على معهد الصنايع اللي جنب بيتكم يا خفيف ! ) .. المشكلة هنا هي نظرة البنت نفسها للمسائل دي .. البنت دي في الأغلب و الأعم بتعمل الشويتين دول لتجذب الشاب الغلبان إللي هايتدبس يا عيني.. و بعد الجواز بقى انت عارف اللي فيها !! اسمع القصة دي : يقال أن زوجة كانت كل ما تصحا من النوم تلاقي نفسها غرقانة مية.. فعملت نفسها نايمة في يوم ,عشان تعرف المية دي جاية منين.. لقت جوزها جه نام جنبها و فتح التليفزيون .. و كل شوية يقول في حسرة: "هي دي النسوان ولا بلاش.. مش انتي ؟ اتفوووووو ! " على الرغم من كده فيه بعض الخبراء في هذا الموضوع بيأكدوا إن الجيل الصاعد بتاع اليومين دول , فيه أمل كبير قوي و ممكن يغير الحته دي.. مين عارف .. مفيش حاجة قليلة على ربنا ! الصفة الرابعة : احتقار الراجل !! فيه راجل رحالة قديم جه على مصر في العصور السحيقة ..لاحظ سلوك الستات في مصر و كتب عنه.. بيقول الراجل ده في مذكراته فيما معناه : "...... و حين جئت أرض مصر , وجدت فيها أمرا عجيبا مستغربا, ألا و هو تسلط نسائها على رجالها..!! عجبت لهذا الأمر عجبا عظيما , و انتويت سؤال أولى العلم في هذه المسألة الغريبة.. فجائني رجل بالسبب : حين خرج فرعون لملاقاة موسى , خرج و معه كبار القوم و سادتهم , و تركوا النساء و العبيد.. فلما حدث ما حدث و هلك فرعون و من معه ..اتخذت النساء عبيدهن أزواجا !.. و من هنا جاء تسلط نساء مصر على رجالها حتى اليوم, فهم يعاملونهم كالعبيد......" شايف القصة المهببه دي ؟ اهو الراجل مش من هنا و قالها بنفسه.. بتعملوا فينا كده ليه يا نساء مصر اتقوا الله فينا مش كده.. ده حتى عشان سمعة الوطن في الخارج.. يرضيكم اللي بيتكتب ده يعني ؟؟ نعمل إيه طيب ؟؟ بعد ما شفنا البنات بيتعاملوا معانا ازاي يا شباب.. لازم نعد العدة و نتعامل معاهم بنفس الأسلوب.. خد الحلول دي و ظبط نفسك : الحل الأول : المساواة ..في الظلم عدل !! زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده ؟؟ لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل و شوف إيه اللي هايحصل.. هاتلاقي شاب كده هلهولة عامل جنتل مان راح قايم و مقعدها مكانه .. و غالبا البنت هاتنزل آخر الخط و مش هاتقوم , عشان تخليه واقف أطول فترة ممكنة ! النصيحة التي أتحمل مسئوليتها الكاملة هي : لو لقيت بنت حلوة عايشة الدور, داخله المواصلة اللي انت راكبها إياك تقوم و تقعدها مكانك.. أولا : صحتها أحسن من صحتك ميت مرة ( بطل السجاير و الحشيش بقى عيب انت كبرت!) و ثانيا : هي مش من بقيت أهلك ( لو اختك أو خطيبتك اللي داخلة ماتستهبلش يعني !), و ثالثا : لو عامل كده عشان تبين لها انك واد جنتل يعني و حنين , فاعرف إنها مش هاتخليك تتعرف عليها يا ناصح حتى لو عملت لها قرد..يعني هاتبقى قمت ووجعت رجلك ع الفاضي.. و مش هتاخد ثواب كمان عشان نيتك غالبا مش كويسة ! رابعا: البنت دي مش كبيرة في السن بالعكس دي شابة زيادة عن اللزوم زي م أنت شايف.. تقوم ليه بقى ؟؟ طيب لو هي اللي قاعدة و انت اللي داخل كانت هاتقوم لك ؟؟ المفروض تقوم و تقعد البنت اللي واقفة في الحالات دي : لو لقيتها بنت غلبانه أو بنت محترمة- زي بنات منتدي نوعية طبعا(حلوة التثبيتة دي مش كده )- أو فتاه عاملة أو ست كبيرة , يبقى لازم تقوم لها طبعا مش عايزة كلام.. لكن لو بنت من اياهم , تبقى شاب لامؤاخذة ,لو قعدتها مكانك ! الحل التاني : و لا تعبرهم ! سألت مرة بنت : " انتي بتلبسي ليه كده ؟" اجابت : "عشان كده أشيك !" ألحّيت في السؤال تاني عشان اعرف الإجابة الحقيقية ( رزالة بقى !) فقالت في النهاية بصراحة : - "عشان الناس تبص عليا و أحس إن أنا حلوة....وكده يعني !" شفت بقى يا معلم ؟ يعني البنت من دول عامله اللي هي عاملاه ده عشان كل ما انت تهتم بيها , سيادتها هاتتكيف و تنبسط أكتر.. و مش هاتعبرك برضه يا عم "الدون جوان"..! أقول لك حاجه ؟ و لا تعبرها .. لو زميلتك عاملة كده يبقى احلقلها ميري يا معلم.. نفض لها وسيبها .. يعني لو بتكلمك و موبايلك رن, رد عليه و سيبها و امشي... لو واحدة ماشية في الشارع كده ,لا تبصلها و لا تعبرها ... كإنها هوا معدّي.. كإنها لاشئ عابر ! لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها و معجبة بيها طول الوقت.. خلي كرامتك بقى تنقح عليك و نفض لها وش ..و لا تبصلها يا شقيق.. بيّن ان انت مش عبيط زي الناس التانية و ان الحركات دي ماتخيلش عليك.. هاتلاقيها اشتعلت نارا و اتفحمت.. أحسن .. تستاهل! نصيحة أخيرة: مايمكنك أن تطلبه من ولد,فلماذا تذل نفسك وتطلبه من بنت؟!!!!! أي خدمة .. و في انتظار رد البنت المصرية.. هانشعللها نار هنا عدم المؤاخذة بقى....... ॥و ربنا يستر !! بقلم / دكتور/ شربف عرفة

خادمة أثيوبية تنحر مواطنة كويتية في يوم خطوبتها

شهدت منطقة جابر العلي الكويتية جريمة قتل بشعة راحت ضحيتها مواطنة في يوم خطوبتها، وفي ظروف غامضة أقدمت خادمة أثيوبية على نحرها لأسباب مجهولة. وروى مصدر امني لصحيفة القبس تفاصيل الجريمة البشعة، مشيرا إلى أن الخادمة هجمت على المواطنة أثناء نومها في غرفتها، بينما كانت تستريح من أعمال الاحتفال بخطوبتها المقررة ونحرتها بساطور ولم تتركها الا وهي جثة هامدة. وأضاف المصدر "لقد أبلغ ذوو الفتاة غرفة عمليات الداخلية بالجريمة، فهرع الى الموقع رجال الامن والمباحث والادلة الجنائية والطب الشرعي ووكيل النائب العام". وأشار المصدر الى ان ذوي الفتاة ابلغوا رجال الامن ان شكوكهم تحوم حول الخادمة الاثيوبية التي هربت من المنزل عقب ارتكاب الجريمة. وأضاف "قام رجال الامن بتعميم اسم الخادمة على المنافذ، وألقي القبض عليها من قبل مباحث المطار اثناء محاولتها الهروب الى الخارج". واقتيدت الى المباحث الجنائية وبالتحقيق معها اعترفت بالواقعة، لكن الغريب في الامر انها لم تبد اي مبررات لجريمتها. ونقلت الجثة الى الطب الشرعي ولا تزال التحقيقات جارية لكشف ملابسات القضية.

بنات عجيبة

اذا مدحتها ، تعتقد انك تكذب

واذا ما مدحتها ، فانت لا تصلح لشىء

اذا وافقتها على كل اراءها ، فانت ضعيف

واذا ما وافقتها ، فانت لا تفهم

اذا زرتها كثير ، تقول انك غثيث

وان تزورها قليل ، فانت غير مهتم

واذا لبست ملابس جميلة ، تقول انك مغازلجى

واذالبست لبس عادى ، فانت شخص مهمل

اذا تغار ، تقول انك زودتها قوى وتزعل

واذا ما غيرت عليها ، تقول انك ما تحبني

اذا تتاخر دقيقة ، تقولك ماتدرى ان اصعب شي هو الانتظار

واذا تاخرت هي ، تقولك هذي امووور بنات

اذا ما توقف لها حتى تقطع الشارع ، فانت ما عندك اخلاق

واذا وقفت ، فانت موقف تتفرج

اذا تشوف بنت ثانية ، فانت تغازل

واذا شافوها الرجال ، قالت انهم معجبين

اذا كانت تتكلم ، فعليك ان تسمع

واذا كانت تستمع ، فعليك ان تتكلم


باختصار :؟


انهم بسيطات ، ومعقدات ....؟

ضعيفات ... لكنهم اقوياء ......؟

يدوسونك ، لكنهم محبوبات .....؟

ما تقدر تعيش معهم , ولا تقدر تعيش بدونهم ....؟

اسبانية تمتلك الشمس

فبعد مليارات السنين باتت الشمس ملكا لامرأة اسبانية سجلت ملكيتها لهذا النجم لدى الكاتب العدل! وجاء في الوثيقة التي صادق عليها كاتب العدل "أنا مالكة الشمس، وهي نجمة من النوع الشمسي جي 2 تقع في وسط النظام الشمسي، على مسافة متوسطة من الارض تبلغ 149.6 مليون كيلومتر...".

وشرحت مالكة الشمس انخيليس دوران أن هناك معاهدة دولية تحظر على البلدان امتلاك الكواكب، لكن المعاهدة لا تشمل الأفراد،

وأكدت دوران أنها اصبحت مالكة الشمس "لأنه ليس هناك من مالك معروف (لها) منذ خمسة مليارات سنة". واشارت لا بوث ذي غاليسيا الى ان مالكة الشمس يجب ان تسجل ملكيتها في السجل العقاري الاسباني لكن "النظام الشمسي ليس من صلاحياته".

خلاص يعنى الستات خلصت على ملكية الارض ودخلت بقى فى الشمس

شابة امريكية مدمنة على اكل الصابون ومساحيق الغسيل

اعترفت شابة أمريكية في الـ19 من العمر بإدمانها على أكل الصابون وهي عادة يقول الأطباء انها قد تتسبب بهلاكها.
وذكرت صحيفة “ديلي ميل” البريطانية ان تامبست هندرسون من فلوريدا تشكو من حالة طبية نادرة تدفعها لتناول 5 قطع صابون أسبوعياً بالإضافة إلى كمية من مسحوق الغسيل.

وقالت هندرسون “أذكر المرة الأولى التي وضعت فيها أصابعي في مسحوق الغسيل ثم في فمي وكان المذاق مالحاً وحلواً، وشعرت انني بوضع جيد وتعلقت بالأمر مباشرة”.
واعترفت بأنها تعي ان تناول الصابون خطير لكنها تتجاهل الأمر وتسارع إلى تناول مسحوق الغسيل ما أن تستيقظ من النوم، ولفتت إلى انه بعد مرور 6 أشهر على أكل الصابون قررت اللجوء إلى طبيب فشخص إصابتها باضطراب نادر يفتح شهيتها لتناول مواد غالباً ما تكون غير مغذية।

وشخص الأطباء حالة الفتاة الطبية ووجدوا انها ناجمة عن الإجهاد والضغوط، لأن الأمر بدأ بعد انفصالها عن حبيبها ثم تطور بعد اضطرارها للذهاب إلى الجامعة التي تبعد عن بيتها।

خلى بالكم بقى يارجال اليوم

انها ايام التنفيض للمراة ههه

ومازا تقول المراة

أهم ((( 10 ))) حاجات في حياه البنات

الرغى : رغى فطرى ينشأ مع البنت بعد انتهاء الرضاعة فتجدها تتحدث مع أمها ومع أختها ومع دميتها ( عروستها ) ومع أخيها الرضيع ، ونوع بيتولد مع شعورها بالحب ، فتجدها بتدلق كلام مع كل صديقة ومع كل أفراد العيلة ، ونوع يظهر فجأة إذا جلست البنت في وسط شلة بنات فتجدها تبدع إبداعاً مبهراً في تفسير مقتل سوزان تميم وطريقة عمل طاجن المسقعة بالحمة الضانى






النكد وهو مرتبط بالطبيعة المنزلية لان البنت في جميع أعمارها تقضى في المنزل أكثر مما يقضيه الرجل




ماما دائما ما ترتبط البنت بأمها سواء قبل الجواز أو بعده … قبل الجواز تحب ترجع من بره تحكى لأمها كل حاجة عن حمادة الي وقفت معاه النهارده وعن هيثم الي جه يستلف منها كشكول المحاضرات




الشوبنج عشق أبدى لا نهائي غير محدود … للف في وسط البلد وفى كايرو مول وجنينه مول والعتبة وزنقة الستات وطلعت حرب وفى محالات الأحذية وما شابه في كل دولة عربية




الطبيخ تبدأ البنت حياتها بكتاب الطبخ مثل كتاب أبلة نظيرة أو كتاب تعلمي الطبخ في ثلاثة أيام ( ما كانش حد غلب ) وغالباً تضع البنت الكتاب على يمينها وتحت يديها حلة وفيهما بصلة وسكينة وتقرأ …। خرطي البصلة وضعي ملحاً وفلفلاً وانتظري حتى تحمر البطاطس …



الأطفال عندما ترى البنت طفلاً صغير فإنها سرعان ما تفرد دراعها قائلة ( يا خراشى يا اختى كمال امو يا ناس )



الخياطة نادراً لما متلقيش بنتعندها ماكينة خياطة ( سنجر أو نفرتيتي ) ، وتلاقي البنت في جميع مراحل عمرها مهتمة بالخياطة ، ليلى الطفلة تخيط فستان لعروستها ، وليلى بنت ستاشر 16 سنة بتخيط شنطة لنفسها وبتطرزها وتحط لها ترتر، وليلى الأم تلم شرابات العيال وتخيطها ، وتخيط زراير القمصان المقطعة





الذهب لا يعبر حب البنت عن طمع أو جشع لكنه طبيعة أنثوية فطرية أول ما البنت تتولد يجروا يخرموا ودانها عشان يجيبوا ليها حلق بتاع ربع جرام ، وتوالى مظاهر حب البنت للدهب عبر سنوات عمرها ، شوية تمشى تشخلل بالدهب الي في أيديها ، وشوية : أنا عايزة خاتم يا بابا ، وشوية البيت واقف على رجل واحدة عشان فردة حلق ليلى ضاعت فى الأوتوبيس ، وحتى فى الأزمات أول فكرة دائماً في دماغ البنت المتزوجة هي : خد بيع حتين الصيغة دول يا أبو فوزي



الجواز على طول أول ما تلاقي البنت صاحبتها بيتجوزوا هيجرالها حاجة وتجوز هى كمان لحد ما ربنا يكرمها وتجوز وتخلف ............... إلخ




الملابس نادراً ما يمر أسبوع على البنت إلا وتكون اشترت فستاناً أو تونك أو بلوزة أو بدى ( بضى ) أو جيبه أو طرحة أو شراب فيليه أو جزمه أو صابوه أو توكة شعر أو معصماً وغيرها ، وتجد دائماً دولاب ملابس البنت يكفى لكساء الشعوب الفقيرة

।